اسلام آباد(کوہسار نیوز)بانی پی ٹی آئی عمران خان کی نجی اسپتال منتقلی کے سپریم کورٹ حکم کے بعد وفاقی دارالحکومت میں سیکیورٹی اقدامات کے حوالے سے اعلی سطح کا اجلاس طلب کرلیا گیا۔ذرائع نے کہا کہ اعلی سطح اجلاس میں متعلقہ اداروں کے اعلی حکام شریک ہیں، سپریم کورٹ سے تحریری احکامات ملنے پر سیکورٹی انتظامات پر عملدرآمد پو گا۔ذرائع کے مطابق ضلعی انتظامیہ سب جیل کا نوٹیفکیشن بھی جاری کرے گا۔بانی پی ٹی آئی سے بہنوں سمیت دیگر کی ملاقات اور ذاتی معالجین تک رسائی کے کیس میں سپریم کورٹ نے عمران خان کو آئندہ سماعت تک اسلام آباد کے الشفاء اسپتال منتقل کرنے جبکہ عظمیٰ خان اور ذاتی معالج ڈاکٹر فیصل سلطان سے ملاقات کروانے کا حکم دے دیا۔
سپریم کورٹ حکم ، وفاقی دارالحکومت میں ہلچل، اعلی سطح کا اجلاس طلب
