آبنائے ہرمز کل مکمل طور پر کھل جائے گی،ایران معاہدے پر دستخط کر دے: امریکی صدر

امریکی صدر ڈونلڈ ٹرمپ نے کہا ہے کہ آبنائے ہرمز کل مکمل طور پر کھل جائے گی، وائٹ ہاؤس میں میڈیا سے بات کرتے ہوئے صدرٹرمپ نے کہا کہ معاملہ جلد کسی ایک طرف ہوجائے گا، یہ کوئی پیچیدہ چیز نہیں، آبنائے ہرمز کھلنا پہلا مرحلہ ہے، دوسرے مرحلے میں نیوکلیئر معاملے پر بات ہو گی۔ٹرمپ نے کہا امریکا اس بات پر واضح ہے کہ ایران کے پاس نیوکلیئر ہتھیار نہیں ہونے چاہیئں، انہوں نے کہا کہ آبنائے ہرمز میں کوئی فیس نہیں ہوگی، اگر کوئی اور چارج کرے گا تو امریکا بھی چارج کرےگا، انہوں نے دعویٰ کیا کہ امریکا کا آبنائے ہرمز پر مکمل کنٹرول ہے، ایران کے پاس یہ آخری موقع ہے کہ وہ دستاویز پر دستخط کر دے۔ ادھر امریکی وزیر خزانہ اسکاٹ بیسنٹ نے ایران کے ساتھ کل ڈیل ہونے کا امکان ظاہر کردیا، امریکی میڈیا کو انٹرویو دیتے ہوئے امریکی وزیر خزانہ اسکاٹ بیسنٹ نے کہا کہ ممکن ہے ہماری ایران کے ساتھ آبنائے ہرمز کے معاملے پر کل ڈیل ہوجائے، انہوں نے مزید کہا کہ یہ ڈیل کل یا پھر پرسوں بھی ہوسکتی ہے۔